Akizungumza na waandishi wa habari leo Ijumaa, Februari 6, 2026, Chalamila amethibitisha kuwa Rais wa Jamhuri ya Muungano wa Tanzania, Mhe. Dkt. Samia Suluhu Hassan, atafanya ufunguzi rasmi wa Soko Kuu la Kariakoo siku ya Jumapili, Februari 8, 2026.
Uzinduzi huu unakuja kama kilele cha maboresho makubwa ya miundombinu ya soko hilo kongwe, ambalo ni kitovu cha biashara kwa ukanda wa Afrika Mashariki na Kati.
Chalamila amewataka wakazi wa Dar es Salaam na vitongoji vyake kujitokeza kwa wingi kumpokea Rais Samia na kushuhudia tukio hilo la kihistoria.
Hii ni siku ya furaha kwa wafanyabiashara na wananchi wetu. Rais amewekeza fedha nyingi kurudisha hadhi ya Kariakoo, hivyo ni vyema tukajitokeza kwa wingi kuonyesha shukrani zetu na kushuhudia soko letu la kisasa likianza kazi rasmi," alisema Chalamila.
Agizo kwa Wafanyabiashara wameambiwa achieni Barabara.Katika hatua nyingine ya kuimarisha mpangilio na usalama, Mkuu wa Mkoa ametoa onyo kali kwa wafanyabiashara ambao wamekuwa wakifanya shughuli zao maeneo yasiyoruhusiwa, hususan walioziba barabara zinazoelekea sokoni hapo.
Chalamila amesisitiza kuwa barabara zote za kuingia na kutoka Kariakoo lazima ziwe wazi ili kuruhusu mzunguko wa bidhaa na huduma za dharura kufika kwa urahisi.
Usafi na Utaratibu katika Soko jipya unakuja na nidhamu mpya ya biashara.Usalama wa Barabara ni kwa ajili ya usafiri, si maeneo ya kudumu ya biashara.Uzalendo ni Kushiriki kikamilifu katika mapokezi ya Rais.
Kuzinduliwa kwa soko hili kunatarajiwa kupunguza msongamano, kuongeza mapato ya serikali, na kuboresha mazingira ya kufanyia kazi kwa maelfu ya Watanzania.
Kariakoo mpya si tu jengo, bali ni alama ya ukuaji wa uchumi wa kisasa chini ya uongozi wa awamu ya sita.
Post a Comment