Hamu ilirudi kwa kasi ya ajabu na mwili wangu ukawa vizuri

Katika hatua inayolenga kuimarisha maridhiano ya kisiasa, mshikamano wa kitaifa na ushirikishwaji wa vyama vya siasa, Rais wa Jamhuri ya Muungano wa Tanzania, Dkt. Samia Suluhu Hassan, amekubali ombi la viongozi wa vyama vya upinzani la kupewa nafasi ya kuambatana naye katika safari zake za nje ya nchi.

Uamuzi huo umeelezwa kuwa ni sehemu ya juhudi za kujenga mazingira mapya ya ushirikiano wa kisiasa nchini, huku wadau mbalimbali wakisema hatua hiyo inaonesha nia ya serikali ya kuendeleza mazungumzo na kuimarisha umoja wa kitaifa.

Hatua hiyo ilitokana na kikao maalum kilichofanyika Ikulu jijini Dar es Salaam tarehe 30 Julai, 2026, ambapo Rais Samia alikutana na viongozi wa vyama vya siasa nchini. Katika kikao hicho, viongozi hao waliwasilisha ombi la kuwepo kwa utaratibu ambao ungewawezesha kushiriki katika baadhi ya safari za kimataifa za Rais ili kujifunza zaidi kuhusu masuala ya diplomasia na ushirikiano wa kimataifa.

Mwenyekiti wa Baraza la Vyama vya Siasa, Juma Ali Khatibu, alithibitisha kuwa utekelezaji wa mpango huo ulianza katika safari ya Rais Samia kwenda nchini Angola. Katika safari hiyo, viongozi waliopangwa kuambatana na Rais walikuwa Juma Ali Khatibu kutoka chama cha ADA-TADEA pamoja na Dorothy Semu wa ACT Wazalendo.