Hamu ilirudi kwa kasi ya ajabu na mwili wangu ukawa vizuri

Taarifa ya Habari – Moja kwa MojaIran imetangaza rasmi kuwa haitakubali kwa hali yoyote kusalimisha uranium iliyoboreshwa, ikisisitiza kuwa suala hilo haliko kwenye ajenda ya mazungumzo na kwamba kuikabidhi ni jambo lisilowezekana. 

Msimamo huu umetolewa na viongozi wa Tehran katika kipindi ambacho jumuiya ya kimataifa imekuwa ikishinikiza kupunguzwa kwa shughuli za nyuklia za taifa hilo.

Kauli ya Iran imeambatana na onyo kali kwamba endapo silaha za nyuklia za Israel hazitaondolewa, basi Tehran inaweza kuelekea kuwa taifa lenye uwezo kamili wa nyuklia. 

Hii ni kauli yenye uzito mkubwa, ikizingatiwa kwamba Israel kwa muda mrefu imekuwa ikihusishwa na umiliki wa silaha za nyuklia ingawa haijawahi kuthibitisha rasmi.

Wachambuzi wa masuala ya usalama wa kimataifa wanasema kuwa msimamo wa Iran unaonyesha kuongezeka kwa mvutano wa kidiplomasia na kijeshi katika Mashariki ya Kati.